Posts

कधी एकदा...

 कधी एकटा नदीच्या किनारी, संथ मनाची खळखळ पाहतो. तुला भेटण्या चालले होडीतून, नाविका मनाची तळमळ पाहतो. झुळूक वाऱ्यासम हास्य तुझे, फुलझाड मनाची सळसळ पाहतो. जवळ ठेऊनी जपण्या तुजला, शिंपल्या मनाची कळकळ पाहतो. पैलतीरी शांत दिसतेस तू, एल मनाची झळझळ पाहतो. कधी एकटा नदीच्या किनारी, संथ मनाची खळखळ पाहतो....

घेऊन फोन उशाशी

 घेऊन फोन उशाशी मी झोप दूर केली, बोलता बोलता तुझ्याशी रात्र दिवस केली. असा अवतरला सूर्य क्षितिजावर जशी तू येतेस समोर अन् लाल बुंद झाले आकाश, सुरू नवा प्रेम प्रहर. माझ्या श्वासात मिसळलेला वारा मधल्या मधे खुश होता, झुळूक बनून तुझ्याशी तो, अंगचटीला ला येत होता खणाणून वाजला गजर  खडाडून जागा झालो, घेऊन फोन उशाशी मी स्वप्ने भंग केली..

शोध स्वतःचा...

दुसऱ्यांवर लिहिता लिहिता स्वतःवर लिहायचं राहूनच गेलेलं... कधीतरी आपणच आपल्याला कैद करुन ठेवावं आपल्याच लिखाणात... कधी हसणं कधी रडणं तर कधी स्वतःलाच रडवण  कधी स्वतःच हरवण अन परत मीच मला शोधत बसणं....  कधी पडणं तर कधी सगळ संपलेल असतानाही स्वतःला सावरण चुका करणं अन् त्यातून काहीतरी शिकणं... कधी कधी तर मीच मला इतका त्रास द्यावा की कधीच न संपणारे प्रश्न उभे राहावेत  आपणच प्रश्न तयार करायचे न आपणच उत्तरे शोधायची.... कधी  कधी ते शून्यात हरवण अन् परत नॉर्मल स्टेज ला येणं विचारांना मी आवडते अन् मला विचार  दोघांचही एकमेकांशिवाय जगणं अपूर्णच ... वाटेल ते वाटेल तस् अन् वाटेल तेवढं लिहीत बसायचं  अन् स्वतःच्या मनातलं लिहून मोकळं व्हायचं... रोज स्वतःला ४ बाय ४ च्या फ्रेम मध्ये कैद करून ठेवणं  मग ते हसणं असो वा रडणं वा झोपतले फोटोज  अन् कालांतराने तेच बघून त्यात हरवून जाणं... कधीकधी आपलंच आपल्याला नको इतकं अप्रूप वाटावं  मग आपणच आपली पाठ थोपटून घ्यायची  रोज नव्याने स्वतःच्याच प्रेमात बुडून जायचं अथांग  अन् मग परत लागायचं नवीन वाटेला  स्वतःच्या...

तू माझ्यासाठी....

तू कोण आहेस माझ्यासाठी  हे तुला सांगावच लागेल का  तुझ्या सावलीची जागा मी घेतलीये  ती तुला दाखवावीच लागेल का ? तुझ्यामध्ये ते सर्व काही आहे  जे मला पाहिजे होत  हृदयातला स्पंद, नात्यातला गंध  अन् मला हवा तसाच आहे आपला अनुबंध  तू खूप दूर आहेस  पण तुझा भास तर आहे  एकाकी का असेना  जगण्याची आस तर आहे  तू दूर असलास तरी  तुझी आठवण तर आहे  काही नसल तरी  या हृदयात तुझ्या प्रेमाची साठवण तर आहे  तू माझ्यासाठी कोण आहेस  ते तुला सांगावच लागेल का....? ✍ - Adorable 

डायरी (रोजनिशी)

 नसेल आपल कोणी का लावून घ्यायचं मनी || बंद करून ठेवावं स्वतः ला आपल्या लिखाणाच्या रोजनिशीत मनातल्या शब्दांना मोकळीक देऊनी अलगदपणे त्यात टिपत राहावं कधी हास्याचा झरा वाहवा कधी अश्रृंना पाझर फुटावा आपणच आपल्याला सावरता सावरता विचारांचा गुंता सोडवत जावा भावनांना मायेचा स्पर्श करुनी पेनाच्या शाईने गिरवून टाकाव एकेक पान उलगडत हळूच तिला उराशी घ्यावं नसेल आपल कोणी का लावुन घ्यायच मनी  कोणी असो वा नसो हाती आपली रोजनिशीच बरी !!!

सांजवेळ

तुझ्या सोबतीची एक सांजवेळ यावी, त्या निळाईत दोन गात्रे विरघळून जावी.. तुझ्या दुलईत रेशीमवारा गुणगुणावा, अशी संध्याकाळ तुझ्याच डोळ्यांनी पहावी....😍

कोहिनूर हिरा

आयुष्याच्या वाटेवर सापडलेला तू म्हणजे कोहिनूर हिरा,   सगळ्यांना मित्र मिळावा तो तुझ्यासारखा खरा आहेस तू तेवढाच प्रेमळ,  जेवढं तुझं मन निरमळ  तुझा राग म्हणजे एक ते चार  ते संपलं की समोरच्याची वाट लागते पार.. आयुष्यातला माझ्या प्रत्येक क्षणाचा आहेस तू साक्षीदार  कसं सांगू मी तुला तुझा मज वाटतो खुप आधार, तुझ्याकडे मन हलकं केलं की मनाला मिळतो वेगळा विसावा  इतकंच वाटतं या जिवाला तू नेहमी हसत दिसावा.. 😊😊